Masaüstü Kompüter Yığmaq
Masaüstü kompüter yığmaq istəyənlər mütləq bunları bilməlidir
Masaüstü kompüter yığmaq istəyən hər kəsin qarşısında bir çox seçim dayanır. Bu yazıda kompüter yığmaq prosesində qarşılaşacağınız əsas komponentləri, onların funksiyalarını və seçim zamanı nələrə diqqət etməli olduğunuzu sadə və aydın şəkildə izah edirik.
Prosessor (CPU) – Kompüterin beyni
Nədir?
Prosessor, kompüterin əsas hesablama işlərini yerinə yetirən hissəsidir.
Nəyə diqqət etməli?
- İstifadə məqsədiniz: gündəlik işlər üçün Intel Core i3, AMD Ryzen 3 kimi modellər yetərlidir.
- Oyun və ya qrafik işlər üçün Intel Core i5/i7, Ryzen 5/7 daha uyğun seçimdir.
- Soket növü: Ana platanızla uyğun olmalıdır (məsələn, AM5, LGA1700 və s.).
Ana plata (Motherboard) – Bütün hissələrin birləşdiyi lövhə
Nədir?
Bütün komponentlər burada birləşir və birgə işləyir.
Nəyə diqqət etməli?
- Prosessorla uyğunluq – soket eynidir mi?
- RAM dəstəyi – DDR4 və ya DDR5?
- Gələcəkdə genişlənmə – əlavə portlar, M.2 yuvaları varmı?
Operativ yaddaş (RAM) – Sürət və çoxlu tapşırıq üçün vacib
Nədir?
RAM, proqramların sürətli işləməsini təmin edir.
Nəyə diqqət etməli?
- Minimum 8 GB, lakin 16 GB daha rahatdır.
- Qrafik işlər və video montaj üçün 32 GB tövsiyə olunur.
- DDR4 və DDR5 RAM-lar arasında sürət fərqi var – ana plataya uyğun seçim edin.
Vido Kart (GPU) – Vizual performansın təməli
Nədir?
Oyun, dizayn və video işlərində görüntünü emal edir.
Nəyə diqqət etməli?
- Sadə işlər üçün inteqrasiya olunmuş qrafika kifayət edir.
- Oyun və dizayn üçün dedicated kart vacibdir: məsələn, NVIDIA RTX 5060, RTX 5090, AMD RX 7600.
- Büdcəyə görə həm NVIDIA, həm AMD modelləri mövcuddur.
Sərt disk / SSD – Məlumatların saxlandığı yer
Nədir?
Əməliyyat sistemi, proqramlar və şəxsi fayllar burada yerləşir.
Nəyə diqqət etməli?
- SSD: sürət üçün ideal (ən azı 512 GB).
- HDD: əlavə yaddaş üçün (1 TB və ya daha çox).
- Ən yaxşı nəticə üçün hibrid yanaşma – sistem üçün SSD, arxiv üçün HDD.
Qida Bloku (PSU) – Sabit və təhlükəsiz enerji təminatı
Nədir?
Kompüterin bütün hissələrinə enerji verən qurğudur.
Nəyə diqqət etməli?
- Minimum 500W güc tövsiyə olunur.
- Güclü GPU və CPU varsa, komponentlərin enerji sərfiyyatlarına görə hesablama aparmaq laızmdır.
- 80+ Bronze/Silver/Gold sertifikatlı PSU-lar daha dayanıqlıdır.
Case (Kompüter Koprusu) – Hər şeyin yerləşdiyi korpus
Nədir?
Fiziki olaraq bütün hissələri içində saxlayan qurğudur.
Nəyə diqqət etməli?
- Əlverişli hava axını: 2–3 ventilyatorlu modellər.
- Komponentlərinizin ölçüsünə uyğun (ATX, mATX və s.).
- Şəxsi zövqə görə dizayn və RGB işıqlandırma.
Soyutma sistemi – Temperatur nəzarəti
Nədir?
Prosessor və digər hissələrin qızmasının qarşısını alır.
Nəyə diqqət etməli?
- Sadə sistemlərdə hava soyutma kifayətdir.
- Yüksək performanslı sistemlərdə maye soyutma istifadə edilməlidir.
- Termal pastanı düzgün çəkməyi unutmayın.
Montaj – Kompüter yığmaq prosesi
Nəyə diqqət etməli?
- Antistatik mühitdə işləyin.
- Hər komponenti təlimata əsasən yerləşdirin.
- İlk dəfədirsə, TexnoGallery texniki dəstəyindən istifadə edə bilərsiniz.
Seçim sizin əlinizdədir
Masaüstü kompüter yığmaq artıq yalnız texniki mütəxəssislərə aid deyil. Doğru məlumat və düzgün planla hər kəs öz ehtiyacına uyğun bir sistem yarada bilər.
Texnologiyanı başqalarının deyil, öz şərtlərinə görə formalaşdır.
İndi qərar sizindir: büdcə, məqsəd və prioritetləri müəyyənləşdirin – komponentləri seçin və öz kompüterinizi yaradın!
Axtardığın hissələr buradadır:
