Çoxları modemini televizor stolunun altına qoyur. Halbuki bu, siqnalın qarşısını kəsən ən böyük səbəblərdən biridir. Wi-Fi sürətini artırmaq istəyirsinizsə, modemi evin və ya ofisin mərkəzində yerləşdirin. Açıq məkanlarda, yüksəkdə qoymaq siqnalı daha bərabər yayır. Divar, dolab və metal əşyalar siqnalı udur, nəticədə bəzi otaqlarda sürət azalır.
Modem antenaları sadəcə dizayn üçün deyil. Onları necə istiqamətləndirdiyiniz belə internet keyfiyyətinə təsir edir. Bir antenanı şaquli, digərini üfüqi saxlamaq siqnalın həm yuxarı-aşağı, həm də sağ-sola yayılmasını təmin edir. Bu da müxtəlif mərtəbəli evlərdə və ofislərdə Wi-Fi sürətini artırmaq üçün çox effektivdir.
Bəzən hər şey qaydasında olur, amma internet yenə də zəifdir. Bunun səbəbi qonşularla eyni kanalı istifadə etməyiniz ola bilər. Wi-Fi kanalları radio tezlikləri kimi işləyir: əgər çox adam eyni tezlikdədirsə, sıxlıq yaranır. Modem menyusundan başqa kanal seçərək siqnalı təmizləmək mümkündür. Bunun üçün “Wi-Fi Analyzer” tipli pulsuz mobil tətbiqlər kömək edə bilər.
Əgər modeminiz köhnədirsə, yəqin ki, yalnız 2.4 GHz dəstəkləyir. Bu tezlik uzağa gedir, amma sürət baxımından məhduddur. Yeni modemlərdə isə həm 2.4 GHz, həm də 5 GHz olur. Wi-Fi sürətini artırmaq istəyənlər üçün 5 GHz ideal seçimdir: daha yüksək sürət, daha az sıxlıq. Ən əsası isə film izləmək, oyun oynamaq və video konfranslar üçün sabit nəticə verir.
Modem texnologiyası da telefon və noutbuklar kimi inkişaf edir. 5-6 il əvvəl alınmış bir modem, bu günkü sürət və təhlükəsizlik tələblərinə cavab vermir. Hər nə qədər parametrlərlə oynasanız da, köhnə cihazlarda modem sürətləndirmə limitlidir. Əgər ciddi şəkildə Wi-Fi sürətini artırmaq istəyirsinizsə, ən yaxşı yol yeni nəsil modem almaqdır.
Çox istifadəçi modemini aldığı gündən bəri heç vaxt yeniləməyib. Halbuki istehsalçılar mütəmadi olaraq firmware yenilikləri təqdim edir. Bu yeniliklər yalnız təhlükəsizlik deyil, həm də performans üçün vacibdir. Modem menyusundan “Firmware Update” bölməsinə daxil olub güncelleməni yükləsəniz, bəzən sürətin necə artdığını özünüz də görəcəksiniz.
Əgər evdə birdən-birə internet zəiflədisə, ilk ağla gələn sual budur: “bəlkə qonşu qoşulub?” Modem menyusuna girərək qoşulan cihazların siyahısına baxın. Naməlum telefon və ya kompüter görsəniz, dərhal bloklayın. Çünki hər əlavə istifadəçi sizin sürətinizi azaldır. Unutmayın, Wi-Fi sürətini artırmaq təkcə texniki yox, həm də təhlükəsizlik tədbirlərindən keçir.
Bir evdə 6-7 cihaz eyni anda video izləsə, oyun oynasa və telefondan sosial şəbəkədə gəzsə, internet sürəti bölünür. Əgər vacib iş görüşünüz varsa, başqa cihazların internet istifadəsini məhdudlaşdırın. Bu kiçik addım belə Wi-Fi sürətini artırmaq üçün kifayət edə bilər.
Əgər sizdə ikimərtəbəli ev və ya geniş ofis varsa, modem siqnalının hər küncə çatması çətindir. Bu halda ən yaxşı həll Wi-Fi gücləndirici və ya Mesh sistemlərdir. Onlar siqnalı təkrarlayaraq hər otaqda eyni sürət təmin edir.
Ən etibarlı üsul bəzən ən sadəsi olur. Əgər oyun oynayırsınızsa və ya vacib təqdimat üçün sürət lazımdırsa, cihazınızı Ethernet kabeli ilə modemə qoşun. Bu, tamamilə kəsintisiz internet deməkdir. Wi-Fi gözəldir, amma kabel sabitliyin kralıdır.
Gördüyünüz kimi, Wi-Fi sürətini artırmaq əslində bir neçə sadə addımın ardıcıllığından ibarətdir. Modemi düzgün yerləşdirmək, antenaları tənzimləmək, kanal seçmək, 5 GHz tezliyinə keçmək və lazım gəldikdə Wi-Fi gücləndirici əlavə etmək sürətə böyük təsir edir. Əgər bütün bu tədbirləri görməyinizə baxmayaraq internet hələ də zəifdirsə, provayderi dəyişmək və ya yeni modem seçmək barədə düşünmək vaxtıdır.
Bunun üçün www.Texnogallery.az saytına daxil olub modemlər və gücləndiricilər kateqoriyasına baxa bilərsiniz. Daha stabil, daha sürətli və əsəbsiz internet üçün doğru seçim edin!
